أروع البوقالات الجزائرية التقليدية

وعدناكم في مقال سابق بالغوص في اعماق ترثنا الجزائري العميق و صيد المزيد من لآلئه و هانحن اليوم نعود اليكم ببعض ما تمكنا من جمعه من درر شعبية تزيد من اعتزازنا و فخرنا بجزائريتنا. 

سهرات النساء الجزائريات قديما لم تخل يوما من فن البـــــــــــوقالة، حيث كن يلقين في اناء بخواتمهن ،لتقوم احداهن بسرد بعض الاحكام و الاحلام في متن لغوي موزون يتصمن مواصفات فارس الاحلام و ملمات جميلة في الحب و التحدي او الفراق على أن تسحب أخرى أحد الخواتم لتنسب ماسبق ذمره إلى صاحبته و اللتي بدورها تحاول مبتسمة اسقاط ما قيل على حياتها و زوجها او حبيبها فتزداد السهرة سحرا و سمرا و تعلو ضحكات الحسنوات المتألقات ف أجمل الاثواب التقليدية حين يتفاجأن بمطابقة البوقالات لأمانيهم تارة و مناقضتها تارة أخرى. 

هكذا كان المشهد قديما أما الان فالبوقالة و رغم حفاظها على متنها اللغوي و صياغتها الشعبية إلا أنها لن تعد كالسابق بحاجة لهذا الديكور أو تلم الطقوس و لم تعد تقتصر على تلك المناسبات من افراح او سهرات رمضانية ،فيكفي الان أن تمسك الفتاة مراسة جمعت فيها عددا من البوقالات المرقمة لتختار صديقاتها ارقاما للحظ توافق تلك البوقالات و تضع كل منهن في نيتها شخصا معينا تعنيه المقولة و ما أجمل أن توافق البوقالة أهواء من يسمعها لتبث في نفسه بعض السعادة و التفاؤل. 

1- مادام القمر بالهالة، ياربي البعيد يرجع و تزول عني ذي الحالة.

2-أسمها مريم ويقولولها مريومة،القلوب منها مهمومة، والله ماكان زين كيفها فالحومة أنا نحب مريم غالية السومة. 3- بابا بغى لي ولد عمي ويما بغاتلي ولد خالي وأنا قلتلها مانحذش غير اللي ساكن قلبي و ديما في بالي.

3- زرعت قدام بابكم زريعة ا مما شاب البوقالة في وقت ما أنها كانت ترتبط في بعض المجالس بربط عقدة و فكها بعد سماع البوقالة ، و لأن العقد لطالما ارتبطت بالسحر فهي شبهة اساءت للبوقالة و التي لم تقرأ قط دون البسملة و الصلاة على رسول الله ولا يرجى منها في الاول و الاخير سوى التسلية و طبع المجالس بنكهة الاصالة الجزائرية. و هذه الان بعض البوقالات التي جمعناها لكم : بسم الله بديت و على النبي صليت و عليكم هذي البوقالات نويت:

 4 - -مادام الشمس تطلع ومادام الاوقات بدالة، مادام النجوم تلمع و لقصبربنتكم الناس فيها تشكر و انا قلبي عليها مابقاش يزيد يصبر.

5- قولو قولو والعيب عادة فيكم أنا ديت الخمري وعشرة في عينكم

6- الشاب طالع يفطر والعاتق طالعة تنشر تلاقات العين فالعين والقلب تكسر ربي يجمع و ييسر.

7- الشمعة يا لشمعة يا لشمعة الضواية، لو كان نعرف وشبيك نمسح هذيك الدمعة من خديك و نرد وجهك مرايا ،يا ربي يا معبود اقبل دعايا يرجع لي زهو الزمان ويعيا الحبيب قاعد معايا.

8- خرجت بدر البدور طلقت الشعور زادت في جناني تمنيتها تكون ليا شنانة في عدياني .

9- زوج سبوعـة متفاتنين عليـا قالولي مالكي يابنيةحاجتك بين الحد والاثنين مقضية .

10- دارنـا كبيرة وسورها عالي، الخير ديما فيها دايم، يارب ياكريم احفظ ذاك الخيروالنعايم، ورجعلي حبيبي الغالي.حاجة الله يبلغ المقصود .

17- قاعدين في الجنان بين الفل والياسمين قالي أنا نويتك حلال ليا يا لبنية قاتلوا اذا كان هكذا روح شوف خاوتي

11- عمتي ياعمتي واشبيك غضبانة اذا بيك علي الطعام راني شبعانة واذا بيك على الماء راني رويانة واذابيك على كحل العين مانديه غير أنــا .

 12-غرست ياسمينة فـي وسـط الـدار كـبرت ومـدت لزهار مابـيـا والو غيرغرام الجار. 13- نخدم عليك ونصرف الغالي وعلى بنت الرجال مولاة الزين و الدلال نخسرربحي و رأس المال. 14- خارجة من الحمام وخدودهـا يحمـاروا، اللـي يوريلـي دارها ربي يعمرولوا داروا.

15- الزينة يا الزينة والزين ربي عطاك، طبيعتك حنينة وكحل العين واتاك، وردة حنينة في يد اللي خذاك، الله يحفظك من العين ويخليك للي بغاك. 16- حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلب و و والديا .

 18- يالي جايا من العين وبيدك مليت السلة سبحان من اعطاك ازين وزاد في بهاك ديك الحلة.

19- عيني عين لحبيب ولسانـي حـاشـم تمنيت ندير الحنة ونزيد الخاتم.

20-بنتي سومتها غالية بنت العز و الدلال وما يديها غير راجل فحل و ولد حلال.

 21-يالالا فاطمة يا لالا فطوم سبحان خالقك، ريت النجوم في السما حسبتهم ساقك، العين تبمي عليك و القلب مشتاقك.

 22-جايز على بابنا واش جايز تشوف ،انا لابسة الحرير و انت لابس الصوف،قالي يا لالا لباس الرجال مخلوف ارواحي عندي نلبسك القاط و نزيدلك الشنتوف.

23 –لسمر يالسمر يا شباب المدينة واش اللي غضبك علينا ،بحاه ربي و النبي غير ارضى علينا.

  

24-طلبت من الله العافي يرسي كل مغبون فمينا،و يكسي كل عريان و حافي و يبعد الهموم علينا،نطق الفال لا تخافي عندي تخلاص الغبينة، دير النية بالقلب الصافي و النية باقية في القلوب الزينة، ياربي بارك في كل وافي و اغرس زين الخصايل فينا.وارزقنا ببيت بالحب دافي و خلي حياتنا ديما بنينة.

 25-البيضة يالبيضة يابنت الجيران، غبتي وطال غيابك و خليتي خليلك حيران،ولي الله يهديك راكي شعلتي في قلبي النيرااان. هذا بعض من رحيق المشموم في كيوس المنطوم كما يسميه الاستاذ الباحث الكبير في التراث المغاربي :" حليم طوبال" مع ارق ة اعطر التحايا.

في انتظار ردودكم.